Орон сууц худалдаж авсан болон оюутны сургалтын төлбөрийн буцаалтын материалыг нэгдүгээр сарын 10-наас хойш хүлээн авч эхэлнэ.
Завхан аймгийн тухайд 2023 онд 1307 иргэн Орон сууц худалдаж авсан болон оюутны сургалтын төлбөрийн хөнгөлөлтөд хамрагджээ.
Анх удаа орон сууц худалдаж авсан болон сургалтын төлбөр төлсөн татвар төлөгч хувь хүн орлогын албан татварын буцаан олголт эдэлдэг. Уг хөнгөлөлт, буцаан олголтын материалыг орон нутагт энэ сарын 10-наас хойш аймгийн Татварын хэлтэст хүлээн авч эхэлнэ.
Татварын шинэчилсэн хуулиар 2020 оны нэгдүгээр сарын 1-нээс хойш орон сууц худалдан авсан, хувьдаа амьдран суух орон сууц барьсан иргэн зургаан сая хүртэлх төгрөгийг буцаан авдаг. Харин оюутны сургалтын төлбөрийн хувьд төрсөн болон үрчилж авсан хүүхдийн сургалтын төлбөрийн хөнгөлөлт эдлүүлдэг байсан бол татварын шинэ хуулиар дагавар, асран хамгаалагчаар бүртгэгдсэн хүүхдийнхээ төлбөрөөс хөнгөлөлт эдэлнэ.
Татвар төлөгч иргэн ХХОАТ-ын тайланг 2023 оны хоёрдугаар сарын 15-ны өдрийн дотор гаргасан байна.
Анх удаа амьдран суух зориулалтын орон сууцыг хувь хүнээс худалдан авсан бол эхний жилд дараах материал шаардлагатай юм. Эдгээр нь цахим тайлан тайлангийн системд автоматаар татагдана.
Тухайлбал, иргэний үнэмлэх, нийгмийн даатгалын лавлагааг Хур системээс автоматаар, үл хөдлөх эд хөрөнгийн лавлагааг ХУР системээс Ү-дугаараар автоматаар, үл хөдлөх эд хөрөнгө борлуулсны 2 хувийн татвар төлсөн баримт буюу төлбөрийн даалгаврын дугаарыг тус тус цахим тайлангийн системд татах үйлдэл хийснээр автоматаар татагдана.
Харин татвар төлөгчийн бүрдүүлэх материал нь “Худалдах худалдан авах гэрээ”, “Орлого нотлох баримт” Арилжааны банк болон банк бус санхүүгийн байгууллагаас авсан зээл, эсвэл татвар төлсний дараах орлого байна. Цахим тайлан гаргах, илгээх /e-tax.mta.mn/, Буцаан олголт авах хүсэлт /цахим тайлангийн хавсралтаар байна.
Анх удаа амьдран суух зориулалтын орон сууцыг “барилгын компани”-аас худалдан авсан бол эхний жилд дараах материалыг бүрдүүлнэ. Тухайлбал иргэний үнэмлэх, нийгмийн даатгалын лавлагааг Хур системээс автоматаар, үл хөдлөх эд хөрөнгийн лавлагааг ХУР системээс Ү-дугаараар автоматаар,
“Борлуулагчаас цахим төлбөрийн баримт авсан байх” дахин давтагдашгүй төлбөрийн дугаар, сугалааны дугаарыг талбарт оруулна. Дээрх мэдээлэл нь цахим тайлангийн системд татах үйлдэл хийснээр автоматаар татагдана.
Татвар төлөгчийн бүрдүүлэх материал:
Худалдах худалдан авах гэрээ, “Орлого нотлох баримт” Арилжааны банк болон банк бус санхүүгийн байгууллагаас авсан зээл, эсвэл татвар төлсний дараах орлого байна.
Цахим тайлан гаргах, илгээх /e-tax.mta.mn/ Буцаан олголт авах хүсэлт /цахим тайлангийн хавсралтаар байна.
Анх удаа амьдран суух зориулалтын орон сууц барьсан бол анхны жилд дараах материалыг бүрдүүлнэ:
Цахим тайлан тайлангийн системд автоматаар татагдана.
1.“Иргэний үнэмлэх” ХУР системээс автомат
2.“НД-ын лавлагаа” ХУР системээс автомат
3.“Үл хөдлөх эд хөрөнгийн лавлагааг” ХУР системээс Ү-дугаараар автомат
Дээрх мэдээлэл нь цахим тайлангийн системд татах үйлдэл хийснээр автоматаар татагдана.
Татвар төлөгчийн бүрдүүлэх материал:
“Хөрөнгийн үнэлгээний тайлан” үнэлгээчнээр үнэлүүлэх
“Орлого нотлох баримт” Арилжааны банк болон банк бус санхүүгийн байгууллагаас авсан зээл, эсвэл татвар төлсний дараах орлого байна.
Цахим тайлан гаргах, илгээх /e-tax.mta.mn/
Буцаан олголт авах хүсэлт /цахим тайлангийн хавсралтаар байна.
Анх удаа амьдран суух зориулалтын орон сууц барьсан эсвэл худалдан авсны хөнгөлөлт, чөлөөлөлт үргэлжлүүлэн эдлэх бол дараах материалыг бүрдүүлнэ:
Цахим тайлан тайлангийн системд автоматаар татагдана.
Үл хөдлөх эд хөрөнгийн серийн дугаар /Ү-дугаар цахим/ автомат
Дээрх мэдээлэл нь цахим тайлангийн системд татах үйлдэл хийснээр автоматаар татагдана.
Татвар төлөгчийн бүрдүүлэх материал:
Цахим тайлан гаргах, илгээх /e-tax.mta.mn/
Буцаан олголт авах хүсэлт /цахим тайлангийн хавсралтаар байна.
Тайлант оны дундуур худалдсан борлуулсан тохиолдолд өмчилж байсан хугацаанд төлсөн татварын хөнгөлөлт, чөлөөлөлт эдлэхдээ дараах материалыг бүрдүүлнэ.
“худалдах, худалдан авах гэрээ”
“Үл хөдлөх эд хөрөнгө борлуулсны 2 хувийн татвар төлсөн баримт” ТУНС-аас авах
Цахим тайлан гаргах, илгээх /e-tax.mta.mn/
Буцаан олголт авах хүсэлт /цахим тайлангийн хавсралтаар байна
Сургалтын төлбөрийн хөнгөлөлт чөлөөлөлт эдлэхэд бүрдүүлэх материал:
Дотоодын сургалтын төлбөрийн хөнгөлөлтөд хэрхэн хамрагдах вэ?
“Татвар төлөгчийн иргэний үнэмлэх” ХУР системээс автомат
“НД-ын лавлагаа” ХУР системээс автомат
“Сургуулийн тодорхойлолт” /автоматаар эсвэл файлаар хавсаргах/
Тайлант онд сургалтын төлбөр төлсөн баримт /төлбөр төлсөн цахим төлбөрийн баримтын дугаар
“Хүүхдийн иргэний үнэмлэх эсвэл төрсний гэрчилгээ /хавсралтаар/
Дээрх мэдээлэл нь цахим тайлангийн системд татах үйлдэл хийснээр автоматаар татагдана.
Татвар төлөгчийн бүрдүүлэх материал:
Цахим тайлан гаргах, илгээх /e-tax.mta.mn/
Буцаан олголт авах хүсэлт /цахим тайлангийн хавсралтаар байна
Шаардлагатай тохиолдолд
Дагавар, үрчилж авсан хүүхэд болон асран хамгаалагчаар тогтоогдсон асрамж, дэмжлэгт байгаа хүүхэдтэй бол засаг даргын тодорхойлолт /файлаар/
Орлого нотлох баримт
Гадаадад сургалтын төлбөрийн хөнгөлөлт эдлүүлэхэд бүрдүүлэх материалын жагсаалт:
Цахим тайлан тайлангийн системд автоматаар татагдана.
“Татвар төлөгчийн иргэний үнэмлэх” ХУР системээс автомат
НД-ын лавлагаа ХУР системээс автомат
“Сургуулийн тодорхойлолт баталгаат орчуулгын хамт” /файлаар хавсаргах/
“Хүүхдийн иргэний үнэмлэх эсвэл төрсний гэрчилгээ /хавсралтаар/
Шаардлагатай тохиолдолд дагавар, үрчилж авсан хүүхэд болон асран хамгаалагчаар тогтоогдсон асрамж, дэмжлэгт байгаа хүүхэдтэй бол засаг даргын тодорхойлолт /файлаар/
Орлого нотлох баримт
Татвар төлөгчийн бүрдүүлэх материал:
Тайлант онд сургалтын төлбөр төлсөн баримт /баримтын баталгааг орчуулгын хамт файлыг Монгол хавсаргах/
Цахим тайлан гаргах, илгээх /e-tax.mta.mn/
Буцаан олголт авах хүсэлт /цахим тайлангийн хавсралтаар байна.
Суралцаж байх хугацаандаа татвар төлсөн бол сургалтын төлбөрийн хөнгөлөлт эдлүүлэхэд бүрдүүлэх материалын жагсаалт.
Цахим тайлан тайлангийн системд автоматаар татагдана.
“Татвар төлөгчийн иргэний үнэмлэх” ХУР системээс автомат
“НД-ын лавлагаа” ХУР системээс автомат
“Сургуулийн тодорхойлолт” /автоматаар эсвэл файлаар хавсаргах/.
Тайлант онд сургалтын төлбөр төлсөн баримт /төлбөр төлсөн цахим төлбөрийн баримтын дугаар/.
Дээрх мэдээлэл нь цахим тайлангийн системд татах үйлдэл хийснээр автоматаар татагдана.
Татвар төлөгчийн бүрдүүлэх материал:
Цахим тайлан гаргах, илгээх /e-tax.mta.mn/
Буцаан олголт авах хүсэлт /цахим тайлангийн хавсралтаар байна гэж Завхан аймгийн Татварын хэлтсээс мэдээлэв.
